Na semana escolar da árbore e da auga que mellor que ler baixo a sombra das árbores do patio do colexio nun día soleado de marzo.
Este ano a Diputación de Ourense proporcionou aos centros escolares o conto titulado No país das augas do autor Xosé A. Perozo coas ilustracións de Viki Berre.
A obra amosa a importancia da auga para a vida e pon de manifesto a riqueza que posúe a provincia en relación ao elemento. O argumento xira en torno á investigación sobre o roubo das augas no balneario de Cortegada, historia que levará aos protagonistas ata outros puntos da provincia como o Macizo Central para coñecer o funcionamento do ciclo da auga na natureza.
Aquí vos deixo un pequeno video dos alumnos e alumnas de infantil desfrutando do pracer de escoitar a lectura do conto que fixeron as mestras baixo a sombra das árbores.