O inicio de curso implica retomar a formación de usuarios que facemos anualmente na biblioteca xa que só con alumnado informado e coñecedor das pautas básicas do funcionamento da biblio, podemos exprimirlle todo o seu beneficio a este espazo tan marabilloso que temos no cole.
Hoxe celebramos a primeira xornada de formación de usuarios da Biblioteca da man da directora e coordinadora da Biblioteca/PLAMBE co alumnado de 1º, 2º e 3º de primaria. Fixemos un percorrido explicando a distribución dos fondos, os materiais, as zonas, a clasificación, as normas de funcionamento, etc.